Ж.Бұсырманов: ҚР Конституциясы – адам құқығының ең жоғарғы үлгісі
7 Тамыз, 2015 13:19
Қазақстан Республикасының Конституциясы - адам құқығының ең жоғарғы үлгісі, деп ағынан жарылды ҚР Конституция кеңесінің экс-мүшесі, заң ғылымдарының доктары, профессор Жұмабек Бұсырманов ОКҚ-да өткен баспасөз конференциясында.
«Кез-келген елдің конституциясы – сол мемлекеттің негізгі заңы, себебі конституция адам құқығының ең жоғарғы үлгісі. Не себепті ұлы адамдар құқықты қолдады? Себебі құқық оны барша адамға сыйлы ететін негіз. Сол сияқты ҚР Конституциясы – адам құқығының ең жоғарғы үлгісі», - деді Ж.Бұсырманов.
ҚР Конституция кеңесінің экс-мүшесінің пайымынша, әр азамат өз елінің Конституциясын құрметтеу керек.
«Біз Конституцияға қасиетті, ең жоғары деңгейдегі заң ретінде құрметпен қарауымыз керек. ҚР Конституциясы өзінде көрсетілген құндылықтардан 20 жыл ішінде бірде-бір рет атап кеткен емес және өзіне күмән келтірмеді», - деп түйді ол.
Анар Тәңірқұлова
