ИИДМБ: ОҚО-да 851 млрд теңгеге 104 жоба енгізіледі
Аталып өткендей, ОҚО-ның өндіріс көлемі 286,1 млрд теңгеге жетті, өткен жылмен салыстырғанда 40,4 млрд теңгеге артық.
«Индустрияландыру картасында жоспарланған 137 жобаның 130-ы толық қуаттылықпен жұмыс істеуде. Бұл көрсеткіштер бойынша өңір елімізде қатарда. Қазақстанда Индустриалды дамудың бірінші бесжылдығында іске қосылған әр бесінші жоба біздің облысымызда енгізілді», – деп ағынан жарылды аймақ басшысы Асқар Мырзахметов.
Облыс әкімінің ақпараты бойынша, Индустриалды дамудың екінші бесжылдығында Оңтүстік Қазақстан облысында 851 млрд теңгеге 104 жоба пайдаланылуға беріледі жәнк 19 мың жаңа жұмыс орны ашылды. Ал, бүгінгі таңда осы жылға жоспарланған 36 жобаның 5-уі іске қосылды және 1 270 жаңа жұмыс орны ашылды.
« «Оңтүстік» индустриалды аймағының аумағында 45 кәсіпорын жұмыс істеуде. 3 300 жұмыс орны ашылып, 19,3 млрд теңге инвестиция тартылды. Бүгінгі таңда 27 жоба жүзеге асырылуда», – деп түйді әкім.
