Шортанды тұрғындары үшін қыркүйекте 36-пәтерлі тұрғын үй мен байссейн пайдаланылуға беріледі (ФОТО)

7 Тамыз, 2015 10:04

Ақмола облысының әкімі Сергей Кулагин Шортанды ауданына жұмыс сапары аясында әлеуметтік және құрылыс нысандарын аралады, деп хабарлады Ақмола обысы әкімдігінің баспасөз қызметі.

Шортанды ауданының Дамса ауылында әкімшілік орталығы ғимаратын қайта құру жұмыстары қарқынды жүргізілуде. Мұнда жергілікті әкімдік, дәріхана, кітапхана мен «Шортанды Су» мекемесінің бөлімі орналасатын болады.

Бұған дейін бұл нысандардың барлығы жергілікті қарттарға арналған медициналық-әлеуметтік мекеменің ғимаратында бірге отыратын болған және ғимараттың жартысын алып отырған.

«Біздің міндетіміз қарттарға барлық қолайлы жағдайды жасау. Барлығына аталмыш іске жауапкершілікпен қараған жөн», – деді әкім.

Аталып өткендей, бүгінде әкімшілік орталықтың нысанына жарық жүргізілген, барлық кабинеттерде терезелер орнатылған және әрлеу жұмыстары жүргізілуде. Нысанды қыркүйек айында тапсыру жоспарлануда.

Бұдан басқа, Шортанды ауданында 36 пәтерлі тұрғын үй мен жүзу бассейні салынуда. Тұрғын үй жобасының құны 153 млн теңге және ол қыркүйек айында пайдаланылуға беріледі деп күтілуде. Ал, бассейннің ауданы 2,5 мың шаршы метр болса, жоба құны 331 млн теңге және 2015 жылдың қараша-желтоқсан айында пайдаланылуға берілетін болады.

Барлық жаңалықтар