ҚР ДСӘДМ: 2018 жылдан бастап, ЕАЭО елдері зейнетақыны мемлекеттер арасында экспорттамақ

6 Тамыз, 2015 15:19

2018 жылдан бастап, Еуразиялық экономикалық одақ елдері зейнетақылық салымдарды мемлекеттер арасында экспорттауды көздеп отыр, деді Денсаулық сақтау және әлеуметтік даму вице-министрі Светлана Жақыпова зейнетақымен қамтамасыз ету жөніндегі заңын түсіндіруге арналған брифингте.

«Қазір Бірыңғай экономикалық аймақ аясында Ресей мен Беларусь мемлекеттерімен бірге зейнетақылық келісім жасалмаған, алайда келісімнің жобасы сарапшылардың деңгейінда талқылануда. Онда да зейнетақының Ресейден Қазақстанға және Қазақстаннан Ресейге экспорты талқылануда. Мұндай жағдайда Ресей мен Беларусь тарапы төлемдердің ай сайын болуын талап етуде. Егер аталған келісім заңды күшіне енетін болса, онда біз зейнетақылық жинақтауларды ай сайын экспорттау мәселесін қолға аламыз»,-деді С.Жақыпова.

Вице-министрдің сөзінше, адамдардың өздері келіп, құжаттарды өткізіп, бұл қаржыны бір мезгілде шығарып алып жүрген кезде қаржы әрине, зейнетақылық қамтамасыз етуге жұмсалған жоқ. Сол себепті РФ мен Беларусь сарапшылары зейнеткерлік жасқа жеткен соң азамат тұрып жатқан және белгілі деңгейде қаржы жинақтаған мемлекеттің бұл төлемдерді ай сайын аударып отыруын қалайды. Егер азамат Ресейде тұрып жатып, Қазақстанға көшіп келсе, онда Ресей қоры оған сақтандыру зейнетақысын ай сайын аударып отырады.

«Келісім шамамен 2018 жылы күшіне енуі керек. Бүгін жоба дайын және тараптармен қаралуда»,-деп қосты С.Жақыпова.

Ботагөз Айтжанова