Қостанайда мүмкіндігі шектеулі жандарға нысандардың қаншалықты қолжетімді екені тексерілді

«Арай-Холдинг» компаниясы – ауыл шаруашылығы өнімдерін өсіру мен өңдеуге, халықтың тұтынуы мен қызметіне арналған сапалы тауарларды сатуға мамандандырылған көп салалы, ірі агроөндірістік Холдинг. Компания кәсіпорындарында 3 мыңнан астам адам еңбек етеді.  

Кәсіпорында «Нұр Отан» партиясының 252 мүшесі бар, Қостанай облысындағы ең ірі бастауыш партия ұйымдарының бірі «Арай-Холдинг» ЖШС әрекет ететінін айта кеткен ләзім. 

«Арай-Холдинг» ЖШС БПҰ «Бақытты балалық» партиялық жобасын іске асыру шеңберінде жыл сайын «Мектепке жол» қайырымдылық іс-шарасына қатысады. Атап айтсақ 2013 пен 2014 жылдар аралығында 12 балаға көмек көрсетілді.

 «Біз бірнеше партиялық жобаларды да іске асырамыз. Мысалы, «Ардагерлерді ардақтайық» пен «Кедергісіз келешек». «Ардагерлерді ардақтайық» жобасын іске асыру шеңберінде 2013 жылдан бері ҰОС қатысушылары мен тыл еңбеккерлерін Жеңіс Күнімен құттықтап, демеушілік көмек көрсетіп  келеміз. «Кедергісіз келешек» жобасының шеңберінде біз 4 мүгедекті қабылдадық.  Олардың екеуі -  Павел Сидорчук пен Алексей Лукутин спортпен шұғылданады және республикалық пен халықаралық жарыстардың бірнеше мәрте чемпиондары болып табылады», - деді «Арай» ЖШС бастауыш партия ұйымының төрағасы Абылайхан Демесінов.                 

Сондай-ақ «Кедергісіз келешек» партиялық жобасын іске асыру шеңберінде «Арай» ЖШС бастауыш партия ұйымының қызметкерлері 2015 жылдың маусымында мүмкіндігі шектеулі жандардың жұмыс орындарына рейд жүргізді. 

«Рейд барысында жұмыс жағдайлары мен мүмкіндігі шектеулі адамдардың жүріп-тұруы үшін нысандардың қолжетімділігі тексерілді. Комиссияның кәсіпорын басшылығының жұмыс істеу үшін барлық жағдай жасағанына көзі жетті», - деп атап өтті Абылайхан Демесінов.