ҚДБ қазақстандық титанның еуропалық нарықтарға шығатын экспортын қаржыландырды

6 Тамыз, 2015 12:24

«Бәйтерек» ҰБХ» АҚ еншілес ұйымы «Қазақстанның Даму Банкі» АҚ (бұдан әрі – Банк, ҚДБ) «Өскемен титан-магний комбинаты» АҚ (бұдан әрі - ӨТМК) шикізат сатып алуға және оны әуе-ғарыштық салада пайдаланылатын титан губкаларын, қорытпаларын және құймаларын әзірлеу және экспортқа сату мақсатында одан әрі өңдеуге 5 жылға дейінгі мерзімге қарыз берді, деп хабарлады банктің баспасөз қызметі.

7 млрд теңгені құрайтын экспорттық операция «Нұрлы Жол» Жаңа Экономикалық Саясатының шеңберінде Ұлттық қор қаражатынан қаржыландырылады. Қаржыландыру шарттары қазақстандық экспортшыларды қолдау жағынан ҚР Үкіметінің 2015 жылдың 23 сәуіріндегі №271 Қаулысымен бекітілді.

ӨТМК өндірген құймалар мен қорытпалар өңдеуден кейін ірі еуропалық компанияларға сатылады.

«Бүгін біздің кәсіпорнымыз Қазақстанда әуе-ғарыштық сала үшін титан құймаларын өндіретін жалғыз өндіруші болып табылады. «ӨТМК» АҚ өнімдерінің 100% индустриялық дамыған елдерге экспортқа жіберіледі. Мемлекет, «Бәйтерек» холдингі тарапынан көрсетілетін қаржылық қолдау комбинатқа ҚДБ желісі арқылы экспорттық-импорттық қаржыландыруды ұзақ мерзімге алып, кәсіпорынға инновациялық өндірістерді құру бойынша Елбасы қойған барлық тапсырмаларды орындау мүмкіндігін береді», - деді «ӨТМК» АҚ Президенті Әсем Мамутова.

Барлық жаңалықтар