Ақтөбеде 2015 жылы ИИДМБ аясында 220 жұмыс орны ашылады
11 Тамыз, 2015 12:08
Ақтөбе қаласында ИИДМБ аясында ағымдағы жылы 220 жаңа жұмыс орын ашуға мүмкіндік беретін 5 жобаны 5,1 млрд. теңгеге іске қосу жоспарланған .
Қалалық әкімдіктен хабарлағандай, Ақтөбе қаласында Қазақстанның Индустрияландыру картасына енген инвестициялық жобаларды жүзеге асыру бойынша мақсатты тұрғыда жұмыстар жүргізілуде. Атап айтқанда, ағымдағы жылы 220 жаңа жұмыс орын ашуға мүмкіндік беретін 5 жобаны 5,1 млрд. теңгеге іске қосу жоспарланған. Олар «Каспий плюс» ЖШС, «Ново-Альджанский мелькомбинат» ЖШС макарон фабрикасы, «ЕвразМеталКомпани» ЖШС мен «ASBI SAT GROUP»ЖШС және «Айс-плюс» ЖШС.
Аталып өткендей, Индустрияландыру картасы аясында Ақтөбе қаласында 2015-2017 жылдары іске қосылатын 10 жоба 9,3 млрд теңгеге жүзеге асырылуда және 659 жаңа жұмыс орны ашылады деп күтілуде.
