Й. Кирш: Германия Қазақстанға «100 қадамды» жүзеге асыруда қол ұшын созуға дайын (ВИДЕО)
5 Тамыз, 2015 18:24
Германия Қазақстанға Ұлт жоспары «100 қадамды» жүзеге асыруда қол ұшын созуға дайын, атап айтар болсақ энергияны үнемдеу мәселесінде көмектесуге әзір, деп мәлімдеді Федералды экономика мен энергетика министрлігі халықаралық энергетика саясаты бөлімі бастығының орынбасары Йорг Кирш «Strategy2050.kz» АА тілшісіне берген эксклюзивті сұхбатында.
«Менің ойымша, «100 қадам» ол қажет құжат. Бұл бағдарлама Қазақстан қандай реформа жүргізу керек екенін түсінгенін көрсетеді. Біз мемлекетке 59 қадамды жүзеге асыруда көмектесуге әзірміз. Әрине, өзгеде көптеген қадамдар бар, алайда мен энергетика саласының маманы болғандықтан өзімнің назарымды осы қадамға аударып отырмын», -деді Й. Кирш.
Оның айтуныша, Германияның энергияны үнемдеу саласында тәжірибесі мол.
«Біз Қазақстанға аталмыш «қадамды» жүзеге асыруда көмектесуге әзірміз және осындай бағдарламаның болғанын құптаймыз. Мұндай бағдарламалары жоқ мемлекеттерде біз олардың қай салада дамығысы келетінін білмейміз. Ал, осылай біз Қазақстанның қалауын біліп отырмыз»,- деді ол.
Анар Тәңірқұлова
