• Басты
  • Оңтүстік Корея өзінің ЭКСПО көрмесін өткізу тәжірибесімен бөлісуді ұсынды
5 Тамыз, 2015 14:32

Оңтүстік Корея өзінің ЭКСПО көрмесін өткізу тәжірибесімен бөлісуді ұсынды

Корея Республикасы өзінің халықаралық деңгейдегі көрме өткізу тәжірибесімен бөлісіп, ЭКСПО-2017 көрмесіне қатысуға ниетті екендігін білдірді, деп хабарлайды «Астана ЭКСПО-2017» ҰК» АҚ-ның баспасөз қызметі.
Оңтүстік Корея өзінің ЭКСПО көрмесін өткізу тәжірибесімен бөлісуді ұсынды

Айта кетейік, «Астана ЭКСПО-2017» ҰК» АҚ-ның басшылығы Корея Республикасының Төтенше және Өкілетті елшісі Чо Енгчонмен кездесті. 

Кездесу барысында тараптар Оңтүстік Кореяның «ЭКСПО-2017» көрмесіне қатысуын талқыға салды. Чо Енгчон ЭКСПО-2017 көрмесі Қазақстанның тек саясат пен экономика салаларының сәттілігін қамтамасыз етіп қана қоймай, елдің өзге де салалардағы мәртебесін көтеретіндігін атап өтті. «Оңтүстік Корея көрмені 1993 және 2003 жылдары екі рет өткізді, оларды ұйымдастыру елдің дамуына айтарлықтай үлес қосты. Осылайша, біз өзіміздің ЭКСПО өткізуден тәжірибемізді пайдалана отырып, сіздерге көмек қолын созып, өзіміздің білетінімізбен бөлісуді ұсынамыз»,-деді елші.   

«Кореялық компаниялар ЭКСПО-2017 көрмесінің құрылысына қазірдің өзінде-ақ қатысуда. Біз көрмедегі жасыл алаңқайлар мен медиа-қабырлағаларды жабдықтауда Samsung Electronics Central Asia компаниясының технологияларын пайдалануда тиісті жұмыстарды бастап кеттік. Samsung Electronics Central Asia компаниясының технологиялары сонымен қатар, көрменің ақпараттық инфрақұрылымын жобалауда «Транстелеком» акционерлік қоғамы да пайдаланда. Екі елдің арасындағы ынтымақтастық жемісті болады деген ойдамын, кореялық компаниялардың ЭКСПО-2017 көрмесіне қатысуы бізге тек қазақстандық нарықпен ғана қатынас орнатып қоймай, ТМД мен Азия нарықтарына да шығуға мүмкіндік береді»,-деді  «Астана ЭКСПО-2017» ҰК» АҚ-ның Халықаралық қатынастар департаментінің бастығы Марат Нұрашев.     

М.Нұрашев ынтымақтастық пен одан әрі де көрмеге қатысу үшін тиісті келісімдерге қол қою үшін Оңтүстік Кореяның ұлттық секциясының комиссарын тағанайындаудың маңызды екендігін атап өтті. Оңтүстік Корея паваильонының көлемі 1 137 шаршы метр аймақты алады және ол көрме кешенінің қақ ортасында орналасады деп жоспарлануда.    

Кездесу соңында М.Нұрашев Корея тарапын биылғы жылдың күзінде өтетін ЭКСПО-2017 көрмесінің халықаралық қатысушыларымен болатын жиынға қатысуға шақырды. Онда көрмеге қатысушылармен келісім жасалып, көрменің ағымдағы дайындық деңгейі таныстырылатын болады.  

 

 

 

Барлық жаңалықтар