ҚР ІІМ: Есірткі бизнесімен күресте басты күш жүйкеге әсер ететін өсімдіктер алқабын жоюға жұмылдырылатын болады

4 Тамыз, 2015 17:29

Есірткінің заңсыз тасымалымен күрес жұмыстары барысында басты күш республиканың құмды аймақтарындағы арнайы өсірілген, жүйкеге әсер ететін өсімдіктердің алқабын жоюға бағытталады, деді Есірткі бизнесімен күрес департаментінің бастығы Сұлтан Күсетов ІММ-де өткен баспасөз мәслихатында.

«Бүгінгі таңда Жамбыл, Қызылорда, Оңтүстік Қазақстан облыстарында жалпы көлемі 0,3 гектар аймақты қамтитын 11 алқапта 6 плантация анықталды. 10 мыңнан астам, арнайы өсірілген қарасора өсімдігі жойылып, 2 мың 272 түп мак өсімдігінің апиыны жойылды. Есірткі саудасынан түсетін оңай пайдаға кенелу үшін қылмыскерлер түрлі айлаларға барады»,-деді С.Күсетов.

Қызылорда облысында Шиелі және Арал аудандарында жүргізілген екі операция барысында салмағы 750 келі болатын 533 түп қарасора өсімдігі жойылды. Жүйкеге әсер ететін өсімдікті әдейі өсірген Қызылорда қаласының 51 жасар тұрғыны ұсталды.

«Оңтүстік Қазақстан облысының Төле би және Сайрам аудандарында қарасораны арнайы өсірудің 2 фактісі анықталды. Жүйкеге әсер ететін өсімдіктер ауыл шаруашылығы өнімдерінің арасында өсірілген. 6 мың 518 түпке жуық өсімдік жойылды. Осындай өсімдіктер өсіру жағдайы Жамбыл облысында да анықтылды»,-деді С.Күсетов.

Ботагөз Айтжанова

Барлық жаңалықтар