• Басты
  • Маңғыстауда жастарға арналған туристік слет өтті (ФОТО)
4 Тамыз, 2015 20:21

Маңғыстауда жастарға арналған туристік слет өтті (ФОТО)

Ақтаудан 90 км аймақта жатқан «Саура» тарихи-мәдени кешенінде Қазақ хандығының 550 жылдығына арналған Маңғыстау жастарының облыстық туристік слеті өтті, деп хабарлайды облыс әкімдігінің баспасөз қызметі.
Маңғыстауда жастарға арналған туристік слет өтті (ФОТО)

Слетті Маңғыстау облысының Жастар ресурстық орталығы ұйымдастырды. Бейресми демалыс шарасының басты мақсаты – жастар арасында салауатты өмір салты, дене шынықтыру мен спортты насихаттау және енгізу, сонымен қатар, туған өлкенің табиғатымен таныстыру болып табылады. Туристік слет қатаң дала жағдайында өтті.    

Жарыстарға облыстың 5 ауданынан 5 команда қатысты. Олар негізінен жастарды белсенді бөлігі, спортшылар, шығармашылық адамдары, кәсіпорындардың мамандары мен еріктілер. Оларға арналып палаткадан арнайы лагерь тұрғызылды. Аталған туристік слеттің ерекшелігі қазақ ертегілеріне арналған квест-ойын болды.

«Біз «Саура» алқабын бекер таңдаған жоқ екенбіз. Өйткені бұл мекенге халық осыдан 4 мың жыл бұрын  қоныстанған. Оның дәлелі – осында орналасқан ежелгі қорған, ол кевст-ойындар үшін пайдаланылған. Бұл аймақтың өзі жалпы экстремалды туризмге аса ыңғайлы. Бұл жерде теңіз де, саяжай да, биік таулар да бар. Болашақта біз мұндай шараларды тұрақты түрде ұйымдастыратын боламыз. Бұл өте маңызды өйткені, Қазақстанда қазір  республикалық туристік слеттер тек Көкшетау, Шығыс Қазақстан, Алматы және Батыс Қазақстан облыстарында жаз мезгілінде ғана ұйымдастырылады»,-деді ұйымдастырушалардың бірі Бекболат Төлегенұлы.        

Айта кетейік, жарыстың бағдарламасында туристердің тыныс-тіршілігі, дала жағдайында тағам дайындау, қиын аймақтардан өту, алау жағу, палатка тұрғызу, ән байқауы сияқты спорттық және ойын-сауық байқаулары бар. Байқауларда үздік шыққан азаматтар дипломдармен және сыйлықтармен марапатталды.  

 

 

 
Барлық жаңалықтар