Ұлт жоспары қазақстандық мемлекеттілікті нығайтады

Шараға Ақтөбе облыстық сотының төрағасы Е.Ж.Айтжанов, Ақтөбе облысы әкімінің орынбасары Ғ.Н.Есқалиев, Ақтөбе облыстық мәслихат хатшысы С.М.Қалдығұлова, судьялар, облыстың құқық қорғау органдарының өкілдері, адвокатура қызметкерлері, сонымен бірге республикалық және жергілікті БАҚ өкілдері қатысты.

Отырысты Ақтөбе облысы мәслихатының хатшысы С.М.Қалдығұлова алғы сөзімен ашты. Қазақстан Республикасының Парламенті Сенатының депутаты Б.Ә.Бекназаров Қазақстан Республикасының дамыған 30 елдің қатарына ену мәселесі туралы баяндама жасады, Ақтөбе облыстық сотының төрағасы Е.Ж.Айтжанов «100 нақты қадам» Ұлт жоспарын жүзеге асырудағы заң үстемдігін қамтамасыз ету мәселесі жөнінде баяндап, өз пікірлерін ортаға салды.

Баяндамашылар мемлекет басшысы бес институционалдық реформаны жүзеге асыру - бұл  жаһандық  ішкі сын-қатерлерге жауап, сонымен бірге жаңа тарихи ахуалдағы дамыған 30 елдің қатарына ену жөніндегі жоспары екенін атап өтті.

«100 нақты қадам» күрделі кезеңнен сенімді өтуге жағдай туғызатын беріктілікті күшейтеді, қазақстандық мемлекеттілікті нығайтады және заң үстемдігін қамтамасыз етеді.

Отырысқа қатысушылар сот жүйесін реформалау, құқық қорғау органдарын жаңғырту, сыбайлас жемқорлықпен күресті, мемлекеттік қызметті күшейту, сондай-ақ оларды тиімді түрде жүзеге асыру жолдарын талқылады.

Кездесу соңында қатысушылар бес институционалдық реформасын жүзеге асыруға бағытталған бірлескен ұсынымдар мен механизмдерін талқылады.

Қазақстан Республикасы Парламенті Сенатының депутаты Б.А.Бекназаровтың іс-сапары барысында Алға және Хромтау ауданының активімен кездесіп, Мемлекет басшысының Ұлт жоспарын түсіндіру жұмыстары жүргізіледі.