Астанада бірыңғай медициналық ақпараттық сall-орталық өз жұмысын бастайды
4 Тамыз, 2015 08:56
2015 жылдың 3 тамызынан бастап елордада біріңғай медициналық ақпараттық сall-орталық өз жұмысын бастайды, деп хабарлайды Астана қаласы әкімдігінің баспасөз қызметі.
Аталмыш орталық денсаулық саласының түйткілді мәселелерін шешуге бағытталған. Сall-орталық жұмысы нәтижесінде медициналық қызмет сапасын арттырып, қала емханаларындағы кезек мәселесін жою көзделіп отыр.
Ақпаратты орталық арқылы тұрғындар қала дәріханаларында дәрілердің бар-жоғын біле алады, сонымен бірге, денсаулық сақтау мекемелерінің жұмысы бойынша өз арыз-шағымдарын қалдыра алады.
"963-777 немесе 1300 телефон нөмірлері арқылы елорда тұрғындары көкейдегі сауалдарын жолдап, денсаулық сақтау мамандарынан кеңес ала алады", - делінген хабарламада.
Сонымен қатар, орталыққа келіп түскен шағымдар мен өтініштер талданып, оның қорытындысы бойынша, тоқсан сайын елорданың медициналық мекемелерінің рейтингі шығарылып отырады.
