Мәжілісмен ОҚО-ның Сайрам ауданында азаматтарды қабылдады

3 Тамыз, 2015 19:26

Мәжіліс депутаты, «Нұр Отан» партиясы фракциясының мүшесі Ұласбек Сәдібеков аймақтардағы жұмыстар аясында сайлаушылармен кездесулер өткізіп, ОҚО-ның өндірістік және әлеуметтік нысандарын аралауда, деп хабарлады палатаның баспасөз қызметі.

Ордабасы ауданында мәжілісмен Шұбарсу ауылдық округіндегі 600 орынға есептелген мектептің құрылысымен танысты. Сәдібеков құрылыс материалдарының сапасына ерекше назар аударды.

Ұлт жоспары «100 қадам, заңнамалық қызметтің мәселелері Қараспан ауылдық округінде өткен «Экогринфут» ЖШС жылыжай қожалығының жұмысшыларымен кездесу барысында талқыланды.

Сайрам ауданында халық қалаулысы «GOLDEN NOMAD» тігін фабрикасы «Пирамида-777»ЖШС аралады. Кәсіпорынның жұмысшыларының үштен бір-бөлігі «Жұмыспен қамтыдың жол картасы - 2020» бағдарламасы аясында жұмысқа алынған. Ұ.Сәдібеков өндіріс ошағының болашағы зор екеніне сенім білдірді.

Дәл сол күні Ұласбек Сәдібеков Сайрам ауданындағы «Нұр Отан» партиясының аудандық филиалында азаматтарды қабылдады. Депутаттың қабылдауында 15 адам болды, оның ішінде 6 мәселе бойынша шешім қабылдауды депутат өзінің қатаң бақылауына алды.

Барлық жаңалықтар