Қазақстандағы «SOS балалар ауылында» балаларды әлеуметтендірудің барлық кезеңдері ойластырылған- сарапшы

 «Қордың ерекшелігі ол жалғыз жастар мен балаларға көмектесетін ірі ұйым. Біздің жұмысымыздың басты нысаны балалар және оны қорғау. «Қазақстандағы SOS балалар ауылы»  оң бағаға  және жан-жақты қолдауға ие. Бүгінде елімізде 14 ауыл бар. Ауылда бала біржарым жастан 16-жасқа дейін тәрбиеленеді», - деді Б. Женалаев.

Сонымен қатар, «Қазақстандағы SOS балалар ауылы» бағдарламасының директоры Зәуреш Арыстанова қызметтері туралы айтып берді.

«Бізде барлық кезеңдер ойластырылған, ауылға түсу кезеңінен бастап одан өзбетімен өмір сүруге кетуге дейін. Бала 9-шы сыныпты бітірген соң келесі құрылымға кетеді  жастар үйіне»,  деді ол.

Сонымен, жастар үйінде әр тәрбиеленушіге ұстаз бекітіледі, ол оған мамандық тандауға көмектеседі.

«Одан әрі педагог 23 жыл бойы өзінің тәрбиеленушісіне қолдау көрсетеді. Содан соң ол ЖТӨӨС бағдарламасына (жартылай тәуелсіз өзбетінше өмір сүру) көшеді. Тәрбиеленуші бұл деңгейде жоғары білім алғанға дейін жүретін болады. Ұйым мемлекеттік жалға беру бағдарламасы аясында баспана алуға көмектесе алады, егер жұмыстан айырылса жәрдемақы төленетін болады»,  деп түсіндірді З. Арыстанова.

Оның айтуныша, балалар ауылының 47 тәрбиеленушісінің әр бесіншісі жоғары білім алды, 98% кәсіби білім алса, тағы 18-нің өзінің жеке отбасы бар.

«Біздің балаларымыздың балалары отбасында тәрбиленуде. Біздің балаларымыз екінші қайтара жетімдікті тартып отырған жоқ»,  деп толықтырды З. Арыстанова.

Ботагөз Айтжанова