ҚР-да 11 ірі қазақстандық оператор «KazSat-2» жасанды жер серігі арқылы жұмыс істейді
23 Қазан, 2013 10:31
ҚР Ұлттық ғарыш агенттігінің басшысы Талғат Мұсабаев «KazSat-2» қазақстандық жасанды жер серігінің сәтті жұмысы жайлы айтып берді.
Биылғы жылдың 16 шілдесінде «Байқоңыр» ғарыш айлағынан геостанциялық орбитаға «KazSat-2» жасанды жер серігінің ұшырылғанына 2 жыл толды. Бүгінге дейін аталмыш жасанды жер серігі арқылы 11 ірі қазақстандық оператор жұмыс істеуде. «KazSat-2» космостық аппараты телеарналық хабар тарату мен Қазақстан Республикасы аймағында, Орта Азия елдерінде, Ресейдің орталық бөлігінде «KazSat» спутниктік байланыс жүйесінде және қазақстандық байланыс операторларының қажеттіліктерін өтеуде сәтті қызмет көрсетіп келеді. Жасанды жер серігінің жүктелу көлемі жалпы транспорттық сыйымдылықтың 63%-ын құрайды.
