СҚО экономикасына 6 айда 54 млрд теңге инвестиция тартылған

3 Тамыз, 2015 17:41

Солтүстік Қазақстан облысының өнеркәсіп өнімдерінің көлемі 75,6 млрд теңгені құрады, деп хабарлайды Экономика басқармасы бастығының міндетін атқарушы Айгүл Хасенова өңірлердің жарты жылдықтағы әлеуметтік-экономикалық дамуының қорытындыларына арналған мәжіліс барысында.

Оның сөзінше, 2015 жылдың 1-тоқсанында өңірлік жалпы өнімнің көлемі 143,3 млрд теңгені құрады.

«Ауыл шаруашылығы тауарларының көлемі бірінші жартыжылдықта 5,6 пайызға артып, 36,3 млрд теңгені құрады. Мүйізді ірі қара малының өсімі 6,9 пайызға, қой мен ешкі 7 пайызға, жылқы 4,5 пайызға, құстар 6,7 пайызға артқан. Нәтижесінде өндірілген ет көлемі 1 пайызға, сүт 6,8 пайызға, жұмыртқа 18,2 пайызға өсті. Өнімдердің өсімін облыстың барлық аудандары мен Петропавл қаласы қамтамасыз етті.

«Облыс экономикасына биылғы жылдың 6 айында 54 млрд инвестиция тартылып, негізгі капитал 52,7 пайызға көбейді»,-деді А.Хасенова.

Сонымен қатар, мәліметтерде құрылыс саласында да өсім қалыптасқандығы айтылады. Атап айтқанда, құрылыс жұмыстарының көлемі 12 млрд теңге немесе өткен жылдың сәйкес мерзімінен салыстырғанда 169,1 пайызды құрады. Кәсіпорындар мен тұрғындар тарапынан 31 мың шаршы метр тұрғын үй пайдалануға берілді.

Барлық жаңалықтар