Б.Женалаев: «SOS балалар ауылы» - балалар мен жастарға көмек көрсететін бірден-бір жоба

«1997 жылы ең бірінші қатарға қосылған Алматы балалар ауылы, SOS балалар ауылы Ұлттық қауымдастығы дамуының алғашқы сатысы болып табылады. Өз қызметін «SOS Астана балалар ауылы» Астана қаласында 2000 жылы бастаса, Теміртау қаласында «SOS балалар ауылы» 2004 жылы жалғасты. Бүгінгі таңда балалар ауылында 345 бала тұрады, олар жастарына сәйкес білім алып, толық қамқорлықпен қамтамасыз етілген. 800-ден астам балалар мен олардың жанұялары «Отбасын қамту SOS жобалары» арқылы жан-жақты қолдау тауып отыр», - деді ол.

Балалар ауылындағы тәрбиелеу кезеңінің негізі: баланың жан-жақты дамуының жеке жоспары, олардың мүмкіндіктерін айқындайтын бағдар болып табылады. 

SOS балалар ауылының Жастар жобасы балалар ауылындағы жасөспірімдерді қоғамға тез бейімделуге, өзіне және қасындағы жақындарына жауапкершілікпен қарауға, өз бетінше өмір сүруге жағдай жасайды. Балалар ауылының тәрбиеленушілерін қолдап-қорғау, көмек көрсету олар мектеп бітіргеннен кейін де өз жалғасын тауып отырады.  15-16 жастағы ересек балалар отбасылық жанұядан жасөспірімдер үйіне ауыстырылады, ол жерде оқып, мамандық алып шыққанша 3-4 жыл тұрады. Бұл кезде ұстаз-тәлімгерлер жасөспірімдердің оқуына, жұмысқа орналасуына көмектесіп отырады. Балалар өз бетімен өмір сүруге дағдыланады.

«Бүгінгі таңда педагогикалық, әлеуметтік және экономикалық жағдайдағы отбасылық тәрбие Қазақстан Республикасының Заңнамасында тиімді қолдау тапты.  Мемлекеттік Балалар ауылының отбасылық тәрбие моделінің табысты жүзеге асырылуы аясында, 2001 жылы Қазақстан Республикасының «Балалар ауылы мен Жасөспірімдер үйі туралы» Заң қабылданды. Елімізде 10-ға жуық Балалар ауылы бар және олардың саны жалғасын арттыруда», - деді ол.

Ботагөз Айтжанова