ШҚО-да «Абайдың туған жеріне саяхат» блог-туры басталды

Аталып өткендей, 6 күн бойы еліміздің  танымал блогерлері мен республикалық БАҚ өкілдері ақынның туған жерінде орналасқан бірегей тарихи және медени  ескерткіштерді аралап, аймақтағы туристік және спорт кластерінің даму барысымен танысады.

«Абайдың туған жерімен саяхат» блог-туры  Өскеменде Солжағалау кешеніне барудан басталды, онда қонақтар Қазақстан бойынша үлкендігі жағынан үшінші мешіт «Халиф Алтайда», ашық аспан аясындағы музей, этноауыл, жаңа облыстық теартда болды. Бұдан басқа, қонақтар аймақтағы спорткластерінің даму барысыменде танысты.

«Сол жағалауда қызықты уақыт өткізіп, демалу үшін бар жағдай жасалған. Облыстың әр қонағы этноауылға барады. Алайда маған бәріненде шешен және грузин халықтарының жауларынан жақсы қорғалған ұлттық үйлері қатты ұнады»,  деп ағынан жарылды блогер Тоқтарәлі Таңжарық Facebook-тағы парақшасында.

Блог-тур барысында қонақтар өңірдің туристік кластерінің даму басымен танысатын болады. Атап айтар болсақ, Зыряновск пен Қатон-Қарағай ауданындағы ауыл туризмінің дамуымен танысып, Берель қорғаны мен марал қорығын аралайды.

Саяхат өз жалғасын Семейде табады, онда қонақтар Абайдың мерейтойына арналған салтанатты шараға қатысады. Олар Ұлы ақынның өмірі мен шығармашылығы туралы жаңа фактілермен танысады.