Қазақстанның танкішілері, әскери ұшқыштары және теңізшілері халықаралық деңгейде үздік деген атаққа күресуге дайын (ФОТО)

Танкішілер, әскери ұшқыштар және теңізшілер Қазақстан Қарулы Күштері үш әскер түрлерінің барлығы 200-ден астам әскери қызметшісі «Танк биатлоны», «Авиадартс» және «Каспий теңізі» (теңіз биатлоны) сайыстары бойынша өнер көрсетеді.

Тамыздың 1-і мен 15-і аралығында Қазақстан Құрлық әскерлерінің төрт танкті экипажы Ресей, Қытай, Үндістан, Қырғызстан, Тәжікстан, Армения, Кувейт, Ангола, Никарагуа, Сербия, Венесуэла және Монғолияның танкішілерімен шеберлік үшін тартысқа түседі. Танк биатлоны «Алабино» полигонында өрістетіледі.

Сонымен бірге, Рязань, Сызрань және Липецк қалаларының әуеайлақтарында «Авиадартс» басталады. Қазақстандық ұшқыштар МиГ-29, Су-25, Су-27 және Ми-8-де ұшақтар және тікұшақтармен өздерінің ұшу шеберліктерін көрсетіп, Ресей, Беларусь және Қытайдың ұшу экипаждарымен «аспан қожайындары» атағына бақ сынасады.

Ал Каспийдің ресейлік су айдандарында бұл сәтте теңізшілеріміз «Сарыарқа» және «Орал» зымыран-артиллериялық корабльдерінде және «Батыс» ӨңҚ теңіз жаяу әскерлерінің бригадасы теңіз биатлонында шеберліктерін паш етеді.

Бірінші Армиялық халықаралық ойындары – бұл далалық, әуе және теңіз дағдысы бойынша ірі жарыс. Қатысуға 17 мемлекеттен 57 команда ниет білдірді. Сайыс барысын Еуропа, Азия, Африка және Латын Америкасы елдерінен тәуелсіз бақылаушылардың 20 тобы қадағалайтын болады.