Кәсіби мейрам қарсаңында «Құрметті теміржолшы» төсбелгісімен ҚТЖ-ның 56 қызметкері марапатталды

1 Тамыз, 2015 15:21

Бүгінде Қазақстан темір жолы ірі тасымалдаушы ғана емес, экономика саласындағы қазіргі заман талабына сай индустриялық инновациялық көшбастаушы компания болып табылады және ол қазіргі экономикалық жағдайда өсімнің дұрыс бағытын таңдай білді, деп ағынан жарылды «Қазақстан темір жолы» АҚ президенті Асқар Мамин теміржолшылардың кәсіби мерекесіне арналған салтанатты кеш барысында.

«Бүгінде контейнерлік жүк тасымалына көп көңіл бөлінуде. Еліміз бойынша жүк тасымалын артыру мақсатында интеграцияланған көлік қызметтері ұсынылуда. Ішкі және сыртқы терминалдар жүйесі мен логистикалық орталықтар құрылуда», - деп атап өтті ұлттық компания басшысы.

Сонымен қатар, ол «Нұрлы жол» мемлекеттік бағдарламасы аясында жүзеге асырылып жатқан «Хоргос – Шығыс қақпасы», елордадағы халықаралық әуежай терминалы, Алматы-Шу, Боржақты-Ерсай желілері, Құрық порт кешені және өзгеде жобаларға тоқталып кетті.

Баспасөз қызметінен хабарлағандай, Асқар Мамин өзінің құттықтау сөзінде, компания қызметкерлеріне еткен еңбегі, өз мамандығына деген беліргендігі үшін алғысын білдіріп, қызмет барысында табыс тіледі.

Айта кетердік жайт, ұжымның салтанатты бас қосуы саланың ең жоғары атағы «Құрметті теміржолшы» атағын алушыларды марапаттау рәсімімен жалғасты. Компания президентінің қолынан жоғары атақты 56 қызметкер алса, тағы саланың 700-ден астам жұмысшысына құрмет көрсетілді.

Барлық жаңалықтар