ҮИИДМБ: 5 жыл ішінде Қарағанды облысында Индустрияландыру картасы бойынша 58 кәсіпорын іске қосылды

1 Тамыз, 2015 12:37

Қарағанды облысында ҮИИДМБ жүзеге асырылған 5 жыл ішінде жалпы сомасы 6,5 трлн теңгенің өндірістік өнімі өндірілді. Сонымен қатар, бір жарым трилионнан астам қаржы инвестицияланды, оның ішінде 1 трлн теңгеден астамы өндіріске инвестицияланды. Бұл туралы аппарат отырысында белгілі болды.

Аймақ әкімдігінен хабарлағандай, облыста Индустрияландыру картасы бойынша 58 кәсіпорын іске қосылып, 4600 жаңа жұмыс орны ашылды. Аймақтың барлық 18 ауданы Индустрияландыру картасында бар.

«Жобалар өндірістің 12 саласы бойынша ұсынылған. 13 жоба шетелдік инвесторларды есепке ала отырып жүзеге асырылды, тағы 12-і өнімді экспорттаушылар болып табылады», - делінген хабарламада.

Сонымен қатар, 2010-2014 жылдар аралығында жаңа өндіріс ошақтары 200 млрд теңгенің өндірістік өнімін өндірген.

Ал, ИИДМБ-2 келетін болсақ, оның басты ерекшелігі кластерлік әдісті қолдана отырып аймақтық мамандандыру болып табылады. Қарағанды облысында бұл қара және түрлі-түсті металургия, өндіріс ошақтары үшін химиялық заттарды өндіру, машина мен тау-кен өндірісі үшін арнайы техниканы, электрқұралдарды жасау, құрылыс материалдары мен тамақ өндірісі.

Жалпы, осы және өзгеде салаларды жүзеге асыру нәтижесі 2020 жылға қарай облыстың әлеуметтік-экономикалық даму көрсеткіштерінің өсімі басты көрсеткіш болмақ.

Аппарат отырысын қорытындылаған өңір басшысы Нұрмұхамбет Әбдібеков көптеген проблемалармен бірге ауыз толытырып айтар жетістіктеріміздің бар екенін атап өтті.

Барлық жаңалықтар