• Басты
  • Германияның машинажасаушылар одағы Қазақстанның индустриализациясын қолдауға ниетті
31 Шілде, 2015 19:17

Германияның машинажасаушылар одағы Қазақстанның индустриализациясын қолдауға ниетті

Елбасының «100 нақты қадам» Ұлт жоспарында анықталғандай, Қазақстанның индустриализациялануы және экономикалық өсу бағдарламасын одан әрі дамыту үшін институционалдық реформа міндеттерін жүзеге асыру аясында, Қазақстан Республикасының ГФР-дағы Елшісі Болат Нүсіпов Германияның Машинажасаушылар одағының (VDMA) бас атқарушы директоры Тило Бродтманмен кездесті, деп хабарлады ҚР СІМ.
Германияның машинажасаушылар одағы Қазақстанның индустриализациясын қолдауға ниетті

Келіссөздер барысында қазақстандық дипломат сұхбаттасын елімізді дүниежүзі индустриалды көшбасшыларының отыздығына жеткізетін «Қазақстан – 2050» стратегиясы мен «Нұрлы жол – Болашаққа бастар жол» жаңа экономикалық саясаты тұрғысынан «100 нақты қадам» Ұлт жоспарының негізгі аспектілерімен таныстырды. Қазақстанның агроөнеркәсіптік кешеніне, өңдеу өнеркәсібіне, сондай-ақ неміс капиталының қатысуымен инновациялық кластерлер құруға Германияның стратегиялық инвесторларын тарту мүмкіндігіне ерекше көңіл аударылды.

VDMA басшылығы «Қазақстан-2050» стратегиясының мақсаттарына қол жеткізу үшін реформалардың стратегиялық қалпы, уақытылығы мен тәжірибелік маңыздылығын жоғары бағалап, Қазақстанның индустрияландыру үдерісін неміс тәжірибесімен, озық технологиялары және инновациясымен қолдауға дайындығын білдірді. Бұл тұрғыда, неміс тарапы ү.ж. қазанда VDMA делегациясының Қазақстанға сапары жоспарланғанын хабарлап, Қазақстан машинажасаушылар одағымен ынтымақтастық туралы меморандум әзірлеп жасауға ниетін білдірді.

VDMA Еуропадағы машинажасау кәсіпорындарын біріктіретін ірі ұйым болып табылады. Негізі 1892 жылы қаланған VDMA коммерциялық емес серіктестігінің мүшелігіне 3000-нан астам компания қатысады. Неміс машинажасаушылар одағы экономиканың машинажасау саласының барлық бағыттары бойынша қызметін жүргізеді және Германия мен шет елдерде шағын және орта кәсіпорындар мүдделерін қорғайды. Одаққа мүше фирмалардың 85 пайызданастамы 500 адамнан аспайтын штатқа ие.

 

Барлық жаңалықтар