Қостанай облысының полиэтилен өнімін өндіруші қуаттылығын 60 пайызға өсірді

31 Шілде, 2015 17:56

«Бизнестің жол картасы-2020» бағдарламасы аясында «Ай БМ» ЖШС барлық қажетті қондырғыны иемденді, сондай-ақ, қажетті материалдар мен шикізатқа ие болып, зауыттың өндірісін 60 пайызға арттырды, деп хабарлады «Даму» қоры.

«Ай БМ» ЖШС Рудный қаласында орналасқан, Қостанай облысының ең ірі полиэтилен шығарытн кәсіпорны. Компания қызметінің негізі – полиэтилен пленкаларын шығару, толық баспалы полиэтилен және полипропилен қорапшаларын шығару. Қызметкерлер саны – 50. Қондырғының өндірістік қуаттылығы – ауысымына 336 мың қап шығару, 80 тонна полиэтилен өнімі.

Кәсіпорын қажетті қондырғылармен қамтылған. «Ай БМ» ЖШС өнімін тұтынушылар Қостанай облысындағы ірі компаниялар ғана емес, өзге облыс кәсіпорындары да бар.

Зауыт өнімділігін арттыру үшін 2014 жылы компания «Бизнестің жол картасы-2020» мемлекеттік бағдарламасы аясында мемлекет қолдауына ие болды. «Ай БМ» несиелік қаржысы арқасында көптеген қондығыларға ие болды. Жобаның құны 21 млн 230 мың теңгені құрады. Компания қосымша түрде «Даму Өңірлер III» бағдарламасы аясында шикізат пен материалға ие болу үшін несиелік қаражатты қолданды.

Барлық жаңалықтар