ҚР мен Малайзия Үкімет басшылары сауда-экономикалық байланыстар мәселесін талқылады
31 Шілде, 2015 14:31
Бүгін Куала-Лумпурда Қазақстан Премьер-Министрі Кәрім Мәсімов Малайзияның Премьер-Министрі Наджиб Тун Разақпен кездесу өткізді, деп хабарлады ҚР Премьер-Министрдің ресми сайты.
Үкімет басшылары екі жақты ынтымақтастықтың түрлі салаларындағы өзара іс-қимылды кеңейтуге елеулі әлеуетті атап өтіп, сауда-экономикалық байланыстарды нығайтудың бірқатар мәселелерін талқылады.
Естеріңізге салсақ, К.Мәсімов Халықаралық олимпиада комитетінің 128-ші сессиясына қатысу аясында Малайзия астанасына барды, оның аясында 2022 жылғы қысқы Олимпиада ойындары өткізілетін қала таңдалады. Олимпиада өткізуге Алматы және Пекин үміткер.
