Ш. Ілмұханбетова: Маңғыстау облысының одан әрі дамуы Ұлт жоспарына негізделеді

«Аймақтың одан әрі әлеуметтік-экономикалық дамуы «100 нақты қадам» ұлт жоспарының векторларына негізделетін болады», - деді Ш. Ілмұханбетова.

Оның айтуынша, әлемдік нарықтағы мұнай бағасының төмендеуін есепке ала отырып аймақтың дамуы екі бағытта жүргізіледі: Индустрияландыру картасын жүзеге асыру және өндірістік кәсіпорындарға қолдау көрсету.

«Аймақтың макрокөрсеткіштеріне сүйене отырып өңірде жағай жақсы деуге болады. Жылдың қорытындысы бойынша аймақ әлеуметтік-экономикалық даму бойынша елімізде үшінші орында, дәл осындай нәтиже ағымдағы жылы болады деп күтілуде», - деді Ш. Ілмұханбетова.

Осыған дейін облыс әкімінің орынбасары хабарлағандай, екінші бесжылдықтың алғашқы екі жылында шамамен 20 жоба іске қосылады, оның ішінде 16-ы ағымдағы жылы іске қосылды.

Ботагөз Айтжанова