«SAGE WORLD CUP-2015» кәсіпкерлік бойынша оқушылар арасындағы чемпонатта Қазақстан намысын екі мектеп командасы қорғайтын болады
31 Шілде, 2015 13:39
«SAGE Kazakhstan-2015» ұлттық чеспионатының жеңімпаздары – екі мектеп командасы Оңтүстік Кореяның астанасы Сеулде 6-13 тамыз аралығында оқушылар арасында кәсіпкерлік бойынша өтетін «SAGE WORLD CUP-2015» 13-ші әлем чемпионатына барады. Қазақстандық оқушылар әлеуметтік кәсіпкерлік пен құсаруашылығы саласындағы өз жобаларын ұсынады.
«Бүгінде білім «күш» дейді. Жақында ғана ҰКП бастамасымен оқушылар арасында ұлттық чемпионат өтті. Енді жеңімпаздар әлем чемпионатына дайындалуда. Бірінші кезекте бұл оқушылар мен студенттерге тәжірибе жинауға септігін тигзеді», – деді ҰКП президиумының мүшесі, «SAGE Kazakhstan-2015» чемпионатын ұйымдастыру комитетінің төрағасы Талғат Доскенов.
Естеріңізге сала кетейік, «SAGE Kazakhstan-2015» ұлттық чемпионаты Астанада 7 шілде де өтті. Оған еліміздің 6 өңірінен келген 13 команда қатысты. Нәтижесінде екі аталым бойынша екі жеңімпаз анықталды. "Әлеуметтік кәсіпкерлік" номинацисы бойынша Астана командасы, "Әлеуметтік жауапты кәсіп" номинациясы бойынша Атырау командасы жеңімпаз атанды.
Анар Тәңірқұлова
