ҰАТ-да мобильді үкіметтің жаңашылдығының алдын ала таныстырылуы өтті – СЭҚ

31 Шілде, 2015 12:32

Сандық электронды қолды енгізуінің алдында «Ұлттық ақпараттық технологиялар» АҚ Астанада оның алдын ала таныстырылымы мен журналистер үшін сынақ тестін жүргізді.

«СЭҚ мобилінің артықшылығы кейбір қызметтерді мобильді телефон арқылы ала беруге болады. Онда интернет пен қосымша бағдарламаның болмауы да әсер етпейді. Қолданушы СЭҚ нөмірі бар сим-картаға SMS жіберсе болғаны. Анықтама электронды үкіметтің жеке кабинетіне келіп түседі», - деді «Мобильді үкімет» жобасының жетекшісі Гүлмира Исабекова.

Ол атап өткендей, СЭК SIM-картасы сатылымға тамыз айының ортасында шығады. Жоба Altel ұялы телефон байланысымен бірігіп жасалды.

Айта кетейік, 2014 жылы «Мобильдік үкімет» жобасы құру шешімі қабылданды. Ол үшін мобильді база құрылды, онда тіркелу «Мобильді үкіметтің» алғашқы қадамы болып есептеледі. Бүгінгі таңда тіркелудің 3 түрі бар: «электронды үкіметтің» яғни еgov.kz арқылы тіркелу, ХҚКО-да тіркелу, еgov.kz. мобильдік қосымшасы арқылы тіркелу.

Қызметтерді қолданудың тағы бір көзі еgov қосымшасы, ол 2014 жылы 51 қызмет ұсынса, 2015 жылы оған тағы 22 қызмет қосылды.

Ботагөз Айтжанова