ЕЭК министрі ЕАЭО-ның шетелдік инвесторларға беретін әлеуетті бағыттарын атап өтті

31 Шілде, 2015 15:19

Мәскеуде Еуразиялық экономикалық комиссияның интеграцияның негізгі бағыттары және макроэкономика бойынша Коллегия мүшесі (министр) Татьяна Валованың шетелдік іскер ортаның өкілдерімен кездесуі өтті, деп хабарлады комиссияның баспасөз қызметі.

Кездесу Америка сауда палатасының алаңында өтті. Шараға 60-тан астам шетелдік компаниялардың, Финляндия, Швейцария мен АҚШ дипломатиялық миссияларының өкілдері қатысты.

Дәстүр бойынша ЕЭК министрі ЕАЭО-ға мүше мемлекеттердің аумағында өз қызметін жүзеге асырып жатқан шетелдік бизнес ортамен байланыс орнатуға үлкен көңіл бөліп келеді. Т. Валова өз сөзінде Еуразиялық экономикалық коммиссияның маңызды мәселелеріне және қалыптасқан халықаралық экономикалық жағдайдағы ЕАЭО-ның жаңа интеграциялық құрылым ретіндегі алғашқы нәтижелеріне тоқталды.

Т. Валова ЕАЭО туралы келісімде көрсетілген тауар, қызметтер, капилат мен жұмыс күші нарықтарын заңдастыру кезеңдеріне жіті тоқталды. Сонымен қатар, ЕЭК төрағасы ЕАЭО-ның өз жобаларын жүзеге асырғысы келетін шетелдік инвесторларға беретін әлеуетті бағыттарын атап өтті.

Ал, кездесу соңында ЕЭК министрі Қазақстан Республикасының ДСҰ-ға енуінің салдары қандай болмақ, ЕАЭО пен Вьетнам арасындағы еркін сауда туралы келісім мен дәрі-дәрмектер мен медициналық бұйымдар нарығын заңдастыруға қатысты компания өкілдерінің сұрақтарына жауап берді.

Барлық жаңалықтар