• Басты
  • Маңғыстау облысында жыл басынан бері 6 мыңнан астам адам жұмыспен қамтылды

Маңғыстау облысында жыл басынан бері 6 мыңнан астам адам жұмыспен қамтылды

31 Шілде, 2015 14:47
Маңғыстау облысында жыл басынан бері 6 мың 403 адам жұмысқа орналастырылды, деп хабарлайды облыс әкімдігінің баспасөз қызметі.

«Жыл басынан бері жұмыспен қамту органдары белсенді жүргізілген жұмыстардың нәтижесіне 6 мың 403 адамды жұмысқа тұрғызды. Олардың арасында 2 мың 99 адам ағымдағы бос жұмыс орындарына тұрақты түрде жұмысқа орналастырылды. 312 адам мемлекеттік және салааралық бағдарламалар мен өңірлерді дамыту бағдарламасы мен бизнес-бастамалардың негізіндегі шаралар бойынша жаңа ашылған жұмыс орындарына орналастырылды»,-делінген Маңғыстау облыстық Жұмыспен қамтуды үйлестіру және әлеуметтік бағдарламалар басқармасының хабарламасында.    

Сонымен қатар, 979 адам әлеуметтік жұмыс орындарына орналастырылып, 977 орта кәсіби және жоғары оқу орындарының түлегі жастар тәжірибесі бойынша ашылған жұмыс орындарына орналастырылды. 2 мың 35 адам қоғамдық ақылы жұмыстарға жіберілді.

«Аталған көрсеткіштерді аудандардың бөлінісінде қарайтын болсақ, Ақтауда - 1 мың 142 адам, Жаңаөзенде - 1 мың 748 адам, Мұнайлы ауданында - 761, Қарақияда, - 611, Бейнеу ауданында – 1 мың 208, Маңғыстауда – 468, Түпқараған ауданында 465 адам жұмысқа тұрғызылған»,-делінген Жұмыспен қамтуды үйлестіру және әлеуметтік бағдарламалар басқармасының мәліметтерінде.    

 

 

Барлық жаңалықтар