Ақтөбеде «Нұрлы жол» бағдарламасы бойынша Ұлттық қор қаражатына балабақша салынуда
31 Шілде, 2015 15:48
Ақтөбеде «Нұрлы жол» бағдарамасы бойынша Ұлттық қордан бөлінген қаражаттарға әлеуметтік нысандарды салынуда, деп хабарлады облыстың ішкі саясат басқармасы.
Осындай нысандардың бірі ағымдағы жылдың маусым айынан бері Қарғалы селосында «Казпромстройгрупп» ЖШС мердігер мекемесімен салынып жатқан балабақша.
Ақтөбе қаласы әкімінің кеңесшісі Геннадий Дудаковтың айтуы бойынша жобаның жалпы сметалық құны шамамен 559 млн. теңгені құрап отыр. Нысан құрылысы 2016 жылдың қыркүйек айында аяқталады деп жоспарлануда.
Жаңа балабақша Қарғалы селосының оңтүстік-батыс бөлігінде орналасатын болады, аталған нысан біріктірілген холлдардан және дәліздері бар екі үш қабатты ғимараттан тұратын болады. Жаңа мектепке дейінгі мекеме 320 орынға есептелген.
