ҚР ИДМ ЕАЭО мен ұлттық заңнаманың талаптарына тауарлардың сәйкестігі туралы сертификатты қарауда
Еуразиялық экономикалық одақтың және ұлттық заңнаманың талаптарына өнімдердің сәйкестігін растау рәсімдерін жүргізу тәртібін сақтау үшін шараларды оңтайландыру жөніндегі жедел кеңесті ҚР ИДМ ТРМК төрағасының міндетін атқарушы Ғалымжан Доғалов өткізді.
Кедендік ресімдеу кезінде ұсынылатын сертификаттардың сәйкестігін анықтау, осндай-ақ ҚР аумағында сәйкестік сертификаттарын растау жөніндегі органдардың заңсыз қызметін тыю бойынша шешімдер қабылдауда бірлескен іс-қимылдар әзірлеу үшін ҚР Қаржы министрлігі Мемлекеттік кірістер комитетінің экономикалық тергеу қызметінің және кеден басқармасының, ҚР Ұлттық ұлттық экономика министрлігі Тұтынушылар құқықтарын қорғау комитеті тұтынушылар құқықтарын қорғау басқармасының, «Қазақстандық сәйкестікті бағалау жөніндегі органдардың қауымдастығы» ЗТҰ және сәйкестікті растау жөніндегі органдардың өкілдері шақырылды.
Кеден одағының сәйкестік сертификаттарын, сәйкестік туралы декларацияларын беру жөнінде кәсіпкерлерді алдап, күмәнді қызметтер ұсынатын субъектілер пайда болуына байланысты, кеден және басқа да мүдделі органдармен бірге бірлесіп жұмыс істеу жандандырылуда.
Айталық, ҚР ИДМ Техникалық реттеу және метрология комитеті ҚР Қаржы министрлігі Мемлекеттік кірістер комитетінің кеден басқармасымен бірлесіп, «Қазақстандық сәйкестікті бағалау жөніндегі органдардың қауымдастығы» ЗТҰ-дан келіп түскен ақпарат бойынша кеден органдарының деректер базасымен 200 күмәнді сертификатты салыстырып тексеру жөнінде жұмыс басталды.
Мамандардың айтуына қарағанда, кәсіпкерлер жылдам әрі арзан бағаға сертификат жасауға уәде беретін тұлғалардың күмәнді қызметінен бас тартуы қажет, өйткені сәйкестік растау рәсімін белгіленген тәртіппен қайтадан өтуге тура келеді, оның үстіне әкімшілік айыппұл төленеді. Осындай жағдайлар анықталған кезде, заңсыз қызмет көрсететін тұлғаларға қатысты материалдар, қазіргі тәжірибе бойынша ҚР заңнамасына сәйкес жауапқа тарту үшін тиісті органдарға жіберілетін болады.
