ҚР-да жыл басынан бері жол жүру құжаттарын электронды тәсілмен сату 2 есеге артты

31 Шілде, 2015 11:03

Темір жол көлігімен жолаушылар тасымалдау сапасын көтеру мақсатында Министрлік жолаушы тасымалдаушылармен бірлесіп, оны 2017 жылы аяқтау жоспарланып отырған жол жүру құжаттарын электронды түрде сату технологиясын енгізу жөнінде жұмыс жүргізуде, деп хабарлады ведомствоның баспасөз қызметі.

«Министрлік 2015 жылдың 1 қаңтарынан бастап тасымалдаушылармен жасалатын жолаушыларды тасымалдауды субсидиялау туралы шарттар шеңберінде жол жүру құжаттарын электронды тәсілмен өткізу арналарын дамыту жөнінде талаптар енгізді», - делінген хабарламада.

2015 жылдың 6 айы ішінде жол жүру құжаттарын электронды тәсілмен сату 2 еседен артық өсті және өткен жылдың осындай кезеңімен салыстырғанда, жол жүру құжаттары 2,6 млн. құрады.

Сонымен қатар, авиакөліктегі сияқты жол жүру құжаттарын электронды сатудың нормативтік құқықтық негізін жасау мақсатында Қазақстан Республикасының Салық кодексіне толықтырулар, сондай-ақ Жолаушылар, қол жүгін және теңдеме жүк тасымалдау қағидаларының жаңа редакциясында отырғызу талоны (жолаушының поезға отырғаны фактісін куәландыратын құжат) ұғымы және оны қолдану тәртібі көзделеді.

Сонымен бірге, Министрлік жолаушылар тасымалдаушылармен бірлесіп, осы жұмысты жүргізу шеңберінде жылдың аяғына дейін мыналарды:ұлттық тасымалдаушымен ұқсас түрде жеке тасымалдаушыларға тиесілі поездарда жол жүру құжаттарын электронды түрде сатуды енгізуді аяқтауды, жол жүру құжаттарын сату қызметі бар автоматтар желісін (төлем терминалдары) екі еседен артық ұлғайтуды, желісі 6 мың бірлік шамасын құрайтын «Қазпочта» АҚ почта бөлімшелері арқылы ағымдағы жылдың аяғына дейін жол жүру құжаттарын электронды түрде сатуды ұйымдастыруды жоспарлауда.

Аталған шараларды қабылдау жылдың аяғына дейін жол жүру құжаттарын сатудың үлесін 25%-ға дейін (немесе 6 млн. билет), 2016 жылы - 90%-ға дейін (немесе до 21 млн. билет) жеткізуге мүмкіндік жасайды.

Барлық жаңалықтар