ОҚО жол қызметкерлері «Жол ережесін сақтайық!» атты акция өткізді
Ұйымдастырушылар бұл акцияның көмегімен барлық жол қозғалысы қатысушыларына жол бойындағы жан түршігерлік ауқымдағы өлім мен жарақатқа, әлеуетті қауіп-қатерге және жол апатының алдын алуды және жол бойындағы құқықбұзушылыққа қарсыәрекет ету өте маңызды екеніне назарларын аударғысы келген.
«Батыс Еуропа-Батыс Қытай» Халықаралық көлік дәлізінің Самара-Шымкент бөлігінде өткен іс-шара кезінде, жолшылар көлік құралдары жүргізушілерін жол қозғалысы ережелерін сақтауға шақырып, әсіресе жылдам режимді, өйткені, тас жолдың бойында жылдамдықты арттыру ерекше мағынаға ие. Қазіргі уақытта «Батыс Еуропа-Батыс Қытай» Халықаралық көлік дәлізінің қайта қалпына келтіру жұмыстарынан кейін, жол біртегіс жабылып, кедергі азайған, бұл өз кезегінде көпшіліктің жылдамдықты арттыру ынтасын тударады. Аталған мәселе, әсіресе, жолаушы микроавтобустарының жүргізушілеріне қатысты. Сол себепті де, Оңтүстік Қазақстан облысы жол қызметкерлері жүргізушілердің назарын осы мәселеге аудару жөн деп шешті.
Түсіндіру жұмыстарынан кейін, жолшылар жүргізушілерге жол қозғалысы ережесін сақтауға және жылдамдықты арттырмауға шақыратын буклеттер таратты.
«ҚазАвтоЖол» ҰК» АҚ жол-көлік оқиғаларының санын азайтуға бағытталған осындай іс-шараларды еліміздің барлық өңірлерінде өткізіп жатқанын айта кеткен абзал. Аталған іс-шаралардың негізгі мақсаты – жылдамдықты дұрыс таңдамаудың салдары қайғылы оқиғаларға әкеп соғатынын жүргізушілерге ескерту болып табылады. Ұйымдастырушылардың айтуынша, әр жүргізуші өзінің алаңғасарлығы немесе ережені елемеуі салдарынан ең қайғылы оқиғаларға дұшар болып жатады дейді.
