• Басты
  • 1 100-ден астам талапкер Қазақстанның әскери оқу орындарына іріктеудің екі кезеңінен өтті

1 100-ден астам талапкер Қазақстанның әскери оқу орындарына іріктеудің екі кезеңінен өтті

31 Шілде, 2015 11:34
Қазақстанның әскери оқу орындарына құжаттар тапсырған 1 564 талапкердің ішінен 1 114-і психологиялық іріктеу мен дене даярлығының тексерісінен сүрінбей өтті6 деп хабарлады, деп хабарлады Қорғаныс министрлігі.

Енді «курсант» деген атақтан оларды үш байқау кезеңі, яғни, түбегейлі медициналық куәландыру, соңғы кәсіби іріктеу және жас жауынгер курсы бөліп тұр. «Әр кезеңді өтуге бір-ақ рет рұқсат етіледі, сондықтан бірден келесі кезеңнен өтуге мүмкіндік ала алмайды.  

Барлық кезеңнен мүдірмей өткен талапкерлер факультеттер бойынша байқау іріктеуіне қатысады және 21 тамызға дейін ресми түрде тиісті әскери оқу орнының тізіміне енгізіледі», - деп түсіндірді ҚР ҚМ Білім және ғылым департаментінде. Қазіргі уақытта 559 бозбала Құрлық әскерлерінің Әскери институтына, 370-і Радиоэлектроника және байланыс Әскери-инженерлік институтына және 185-і Кеңес Одағының екі мәрте батыры Т. Бигелдинов атындағы Әуе қорғанысы күштерінің Әскери инстиутына түсуге іріктеуден өтуде.

Осы жылы Қазақстанның әскери жоғары оқу орындарына қабылдау қағидалары өзгергенін естеріңізге сала кетейік. Енді мамандыққа қарамастан, талапкерлер ҰБТ мен КТ-да физика, жағрафия, химия, биология немесе дүниежүзі тарихы пәндерін таңдай алады. Сондай-ақ құжаттарды жинау рәсімі қысқартылды және оларды қабылдау мерзімі ұзартылды. 

 

Барлық жаңалықтар