• Басты
  • Римде Зорлық экстремизмге қарсы іс-қимыл жөніндегі халықаралық конференциясының күн тәртібі талқыланды
30 Шілде, 2015 18:37

Римде Зорлық экстремизмге қарсы іс-қимыл жөніндегі халықаралық конференциясының күн тәртібі талқыланды

Римде (Италия) Зорлық экстремизмге қарсы іс-қимыл жөніндегі халықаралық конференцияның Аға лауазымды тұлғаларының үйлестіру кеңесі өтіп, оған 65 мемлекет пен 10 халықаралық ұйымның өкілдері қатысты, деп хабарлады ҚР СІМ.
Римде Зорлық экстремизмге қарсы іс-қимыл жөніндегі халықаралық конференциясының күн тәртібі талқыланды

Іс-шара барысында аталған мәселеге қатысты жаһандық өңірлік конференциялардың қорытындылары және алдағы қыркүйекте Нью-Йоркте мемлекеттер басшыларының қатысуымен өтетін саммиттің күн тәртібі талқыланды. Қазақстандық делегацияны ҚР СІМ ерекше тапсырмалар жөніндегі елшісі Тимур Оразаев басқарды.

Қазақстандық тарап іс-шара қатысушыларын ү.ж. 29-30 маусымда Астанада өткен Орталық және Оңтүстік Азия елдері бойынша өңірлік конференция туралы хабардар етті. Атап айтқанда, осы тектес қатерлердің өсіміне және олардың лаңкестік әрекеттерге ауысып кетуіне ықпал ететін жағдайларға жол бермеуге бағытталған үйлестірілген іс-қимылдар әзірлеу және экстремизмге қарсы нақты шаралар туралы айтылды.

Делегаттар экстремизм мен лаңкестікті өзара жақын құбылыстар ретінде қарастыру жөн деп, қазіргі заманның осы басты ғаламдық қауіп-қатерлеріне қарсы қимылдар үшін жауапкершілік әрбір мемлекеттің мойнында болу керек деп келісті. Бұл қауіп-қатерлерге қарсы тұрудың бірлескен қимылдары, соның ішінде лаңкестік ұйымдардың және олардың демеушілердің бірыңғай тізбесін жасалыну қажеттілігі атап өтілді.

Ү.ж. маусым айында Астанада жаһандық конфессияаралық және мәдениетаралық диалогты нығайту мақсатында өткен Әлемдік және дәстүрлі діндер көшбасшылары V съезінің қосқан үлесі ерекше аталып өтті.

Қазақстандық дипломат Саммит идеясын қолдап, осы саладағы экстремизм мен лаңкестікке қарсы ынтымақтастықты жалғастыруға еліміздің дайындығын білдірді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды