Маңғыстау облысында кәсіпкерлікті дамытуға қарастырылған 200 млн теңге толықтай игерілді

«Агроөнеркәсіптік кешеннің дамуына бағытталған 48 жобаға 118,9 млн теңге, 14 жеңіл өнеркәсіп жобасына 34,4 млн теңге, әр түрлі қызмет көрсетуге бағытталған 18 жобаға 46,7 млн теңге микрокредиттер берілді», - делінген хабарламада.

Әкімдіктің мәлімдеуінше, шағын несиемен жалпы саны 80 кәсіпкер қамтылған. Соның 51-і өз кәсіптерін бастау үшін несие алса, қалған 29-ы кәсіпкерліктерін дамытуды мақсат еткен.

Айта кету керек, өңірлік комиссия келісімімен қарыз алушыға 6,7 пайыз мөлшеріндегі максималды жылдық тиімді сыйақы мөлшерлемесі тағайындалған.