• Басты
  • ОҚО-да ҚХА-ның 20 жылдығына арналған республикалық фестиваль өтеді

ОҚО-да ҚХА-ның 20 жылдығына арналған республикалық фестиваль өтеді

31 Шілде, 2015 10:02
2015 жылғы 31 шілде – 2 тамыз аралығында Оңтүстік Қазақстан облысы Сайрам-Өгем мемлекеттік ұлттық табиғи паркінің аумағында Қазақстан халқы Ассамблеясының жылы аясында «Бұл – біздің таулар!» республикалық фестивалі өтеді, деп хабарлады «Қоғамдық келісім» РММ.

Ұйымдастырушылар Оңтүстік Қазақстан облысының әкімдігі, өңірлік Қазақстан халқы Ассамблеясы, Төлеби аудандық әкімдігі, Сайрам-Өгем мемлекеттік ұлттық табиғи паркі, облыс әкімі жанындағы спорттық-экологиялық туризмді дамыту және экологиялық тәрбие жөніндегі қоғамдық кеңес.

Шараның мақсаты - Қазақстан халқының бірлігін нығайту, Елбасы Н.А.Назарбаевтың бейбітшілік пен келісім саясаты аясында шоғырландыру, «Қазақстан-2050» Стратегиясы және «Баршаға арналған қазіргі заманғы мемлекет» 100 нақты қадам – Ұлт жоспарының негізгі бағыттарын түсіндіру.

Фестиваль барысында Өгем тау жотасының шығыс жағында орналасқан тауға шығып, оған «Қазақстан халқы Ассамблеясының 20 жылдығы шыңы» (биіктігі 3535 м) атауы беріледі.

Аталмыш фестиваль аясында суретшілердің конкурсы және олардың жұмыстарына арналған көрме, этномәдени бірлестіктер шығармашылық ұжымдарының концерттері ұйымдастырылады.

Іс-шараға қалың бұқара, этномәдени бірлестіктер, үкіметтік емес ұйымдар, БАҚ өкілдері, туристер мен альпинистер қатысады.

 

 

 

 

Барлық жаңалықтар