• Басты
  • Тұрғын үй құрылыс жинақ банкі Германияның ең ірі құрылыс жинақ кассасымен ынтымақтастық туралы келісім жасады
30 Шілде, 2015 08:36

Тұрғын үй құрылыс жинақ банкі Германияның ең ірі құрылыс жинақ кассасымен ынтымақтастық туралы келісім жасады

«Қазақстанның тұрғын үй құрылыс жинақ банкі» АҚ германиялық серіктесі - Баушпаркассе Швебишь Халльмен ынтымақтастық туралы меморандумға қол қойды, деп хабарлады «Бәйтерек» холдингісінің баспасөз қызметі.
Тұрғын үй құрылыс жинақ банкі Германияның ең ірі құрылыс жинақ кассасымен ынтымақтастық туралы келісім жасады

Айта кетерлік жайт, осы екі ірі банктің арасындағы бұл келісім екі жаққа да тиімді тәжірибе алмасуға және еліміздегі тұрғын үй құрылыс жинақ жүйесінің дамуына ықпал ететін болады.

«Ұдайы жетілдіріп отыру, ең жақсы халықаралық тәжірибені алып, Қазақстанға енгізу, тәжірибесі мол қызметкерлерді тарту – басты міндет. «Нұр Отан» партиясының XVI құрылтайында Мемлекет басшысы осындай тапсырма берді.  Біз даму жолымен жүріп келеміз. Ел азаматтарын тұрғын үймен қамтамасыз етудің қолжетімді тетіктерін ұсынамыз. Отбасының және балаларының болашағына сеніммен қарау, баспаналы болу секілді адамның ең басты қажеттіліктеріне қол жеткізуіне көмектесеміз», – деді «Қазақстанның тұрғын үй құрылыс жинақ банкі» АҚ Директорлар кеңесінің төрайымы Алина Алдамберген неміс әріптестерімен кездесу кезінде. 

Естеріңізге сала кетейік, Баушпаркассе Швебишь Халльдің 80 жылдық тәжірибесі бар. Ол осы уақыт ішінде тұрғын үй құрылыс жинақ жүйесін ілгері дамытты. Бұл жүйе Германияға ең маңызды әлеуметтік мәселе -  азаматтарды баспанамен қамтамасыз ету мәселесін шешуге жәрдемдесіп келеді. Сонымен қатар, өзінің тұрақтылығын бірнеше мәрте нақты дәлелдеп берген. Инфляция және дағдарыс кезінде де қайраңдап қалмай, керісінше, ширыға, ысыла түскен.

Қазақстан осы жүйені жүзеге асыруда Еуропаның тәжірибесін алған посткеңестік кеңістегі алғашқы мемлекет болды. Тұрғын үй құрылыс жинақ банкі жұмыс жасаған 12 жыл ішінде жүйеден бірде бір кілтипан көрінген жоқ. Осы уақыт ішінде Банк салымшыларының саны 760 000 мыңнан асып жығылды. Сауалнама қорытындысы бойынша, былтыр ҚТҚЖБ-ға деген сенім дәрежесі 80%-ды көрсетіп берді.

Тұрғын үй құрылыс жинақ банкі ашылғалы бері 401 434 млн. теңгеге, 92 мың салымшыға тұрғын үй мәселесін шешуге қолғабысын тигізген. 

 2015 жылдың 1 шілдесіндегі дерек бойынша, Банк екінші деңгейлі банктер арасында ұзақ мерзімді салымдар бойынша бірінші орында тұр. Клиенттерінің депозиттік базасы – 272,7 миллиард теңге.

5 айдың қорытындысы бойынша, екінші деңгейлі банктердің құрылысқа және тұрғын үй алуға берген кредит нарығындағы ҚТҚЖБ-нің үлесі  75%-ға жетті ( 2014 жылы - 33%).

Қазақ және неміс әріптестері арасындағы меморандум тұрғын үй құрылыс жинақ  жүйесін әрі қарай жетілдіре түсуге жаңа мүмкіндік бермек.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды