Алматы облысында 238 млн теңгенің спорт кешені салынуда
29 Шілде, 2015 19:18
Панфилов ауданының Жаркент қаласында 320 орындық дене шынықтыру және сауықтыру кешенінің құрылысы жүруде. Нысан құрылысына бюджеттен 238 млн теңге бөлінді, деп хабарлады Алматы облысының әкімдігі.
«Жаңа көпфунцияоналды кешен 4 блоктан тұрады, 3 гектар жерді алып жатыр. Онда футбол, баскетбол, волейбол, жеңіл атлетика, күрес, бокс және шейпингпен айналысуға болады. Мекеме аясында 240 орындық футбол стадионы қарастырылған», - делінген хабарламада.
Сондай-ақ, жоба бойынша заманауи қондырғымен жабдықталған жаттығу залы бар. Сондай-ақ, футбол, теннис және өзге спорт түрлері бойынша аз қамтылған отбасылар мен көпбалалары үйдің балалары үшін жеңілдіктер қарастырылған.
