• Басты
  • Химия бойынша жалпыәлемдік олимпиадада Павлодар облысының түлегі алтын медаль алды
29 Шілде, 2015 19:51

Химия бойынша жалпыәлемдік олимпиадада Павлодар облысының түлегі алтын медаль алды

Ер балаларға арналған қазақ-түрік лицейінің 2015 жылғы түлегі Қабылда Әділ химия пәні бойынша 47-ші Жалпыәлемдік олимпиадасында алтын медальді қанжығасына байлап, Павлодар өңірінің абыройын асқақтата түсті, деп хабарлады облыс әкімдігі.
Химия бойынша  жалпыәлемдік олимпиадада Павлодар облысының түлегі алтын медаль алды

Әзірбайжан астанасы Баку қаласында өткен олимпиадада 75 елден келген 300-ге жуық оқушы білім сынасты.

Қабылда Әділ 2015 жылы өткен республикалық  олимпиадасының химия пәні бойынша алтын медаль, Мәскеу және Ереван  қалаларында өткен халықаралық Менделеев олимпиадасының екі мәрте күміс медаль және Вьетнам елінің астанасы Ханой қаласында өткен 46-шы Жалпыәлемдік олимпиадасының күміс медаль иегері атанған болатын. Енді міне, алтын жеңіске қол жеткізді!

Оқушысының жеңісі оның жас ұстазы, химия пәнінің мұғалімі,  М. Ломоносов атындағы Мәскеу мемлекеттік университетінің түлегі Ордабаев Алмасқа ортақ. Дарынды  ұстаз оқушыларын түрлі зияткерлік жарыстарда 49 мәрте жеңіске жеткізген. Оның ішінде: 26 – облыстық, 13 – республикалық және 10 – халықаралық дәрежеде. Алмас Ордабаевтың өзі химия пәні бойынша халықаралық олимпиадалар мен сайыстардың бірнеше мәрте жүлдегері.

Әділдің  зияткерлік жетістіктері – ғылыммен айналасудағы арманының алғашқы бастамасы. Бүгінде ол ТМД елдерінің кез келген жоғарғы оқу орнына емтихансыз қабылдану мүмкіндігіне ие. Сондай-ақ Әділ  М. Ломоносов атындағы Мәскеу мемлекеттік университеті грантының иегері.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды