• Басты
  • А.Мамин: ҚТЖ алдында ҚР-ны халықаралық көліктік-коммуникациялық өріске ықпалдастыру міндеті тұр
28 Шілде, 2015 15:03

А.Мамин: ҚТЖ алдында ҚР-ны халықаралық көліктік-коммуникациялық өріске ықпалдастыру міндеті тұр

«Қазақстан темір жолы» ҰК» АҚ-ында 2015 жылдың алты айының жұмыс қорытындысы жасалып, екінші жарты жылдықтың басым бағыттары белгіленді, деп хабарлады Ұлттық компания.
А.Мамин: ҚТЖ алдында ҚР-ны халықаралық көліктік-коммуникациялық өріске ықпалдастыру міндеті  тұр | Strategy2050.kz

Отырыс барысында ҚТЖ президенті Асқар Мамин компания жұмысына ғаламдық экономикалық және геосаясаттағы өзгерістердің де ықпал етіп отырғандығын атап өтті. Қазақстанның экспорттық тауарларына әлемдік бағаның түсіп кетуі, халықаралық нарықтағы сұраныстың төмендеуі мен санциялық саясаттар Қазақстанның тауар айналымы мен темір жол көлігіндегі тасымалдау көлемінің төмендеуіне әкеліп соқтырғандығын жасырмады.  

«Нұрлы жол- Болашаққа бастар жол» жаңа экономикалық саясаты көліктік-логистикалық саланы дамытуға басымдық береді. Сондықтан да «ҚТЖ» ҰК» АҚ-ына инфрақұрылымдық жоспарларды дамытуға елдің экономикалық даму деңгейін сақтап тұру жолында үлкен жауапкершілік жүктеледі.

Бірінші жарты жыл қорытындысына қарағанда, өткен жылдың сәйкес мерзімімен салыстырғанда республикаішілік тасымалдау көлемі үш пайызға артып, 1718 мың тоннаны құраған. Экспорттық тасымал көлемі 36,2 миллион тоннаны құрады. Импорттық тасымал көлемі Ресейден цемент, құрылыс материалдары мен кокс жеткізілуінің көбеюіне байланысты артты. Жолаушылар айналымы транзитік тасымалдарды қоса есептегенде 7,3 млрд. жолаушы –шақырымды құрады.

Алты айда контейнерлік тасымал көлемі өсті. Өткен жылдың сәйкес уақытымен салыстырғанда, контейнерлік пойыздар (59-дан 177-ге) үш есеге көтерілді. Олар Қазақстан арқылы Қытай мен Еуропаға бағытталды.

«Нұрлы жол- Болашаққа бастар жол» бағдарламасы аясында өте ауқымды құрылыс монтаж жұмыстары жалғасуда. Астанада жаңа темір жол вокзалы, Құрық портында паром кешені, Боржақты-Ерсай жаңа желісі, Алматы- Шу екінші жолы, «Қорғас-Шығыс қапасы» АЭА нысандарының құрылысы  салынуда.

«Қазақстан темір жолы» тобына кіретін компаниялар корпоративтік әлеуметтік міндеттерін де орындауда. Алғашқы жарты жылдықта «Саламатты Қазақстан», «Жәрдем», «Денсаулық» пойыздарындағы білікті дәрігерлерге  97 шағын станциялардың 34 мың тұрғыны денсаулықтарын қаратты.

Сыртқы факторлардың ықпалын  төмендету мақсатында компанияда  Дағдарысқа қарсы арнайы бағдарлама жасалып, пайдалану жұмысындағы тиімділікті көтеру жұмыстары жасалуда.

«ҚТЖ» ҰК» АҚ өзіне тапсырылған міндеттерді жаспарлы түрде орындау мақсатында ел экономикасы мен тұрғындардың сұранысын сапалы қамтамасыз етіп, ұжым алдындағы өзекті мәселелерді корпоративтік және мемлекеттік тұрғыда шешуге күш салады. 

«Біздің компания қазіргі кезде дамудың жаңа сапалық сатысына көтерілді. Бизнесті жүргізудің философиясы мен идеологиясы түбегейлі өзгерстерге ұшырады,-деп атап өтті А. Мамин.- Біз бизнестің жаңа сегментін дамытып, қызмет көрсетудің географиялық ауқымы  аясын кеңейтіп, сұраныс иелерінің көліктік-логистикалық интермодальдық қызмет түрлерін жасақтап, барлық көлік түрлерінің ықпалдасуына басымдық беріп отырмыз.

Өткен жыл соңында Мемлекет басшысы «Нұрлы жол-Болашаққа бастар жол» Жаңа экономикалық саясатын жариялады. Оның сыртында 100 қадамды нақтыладық. Осы негізде Қазақстанды халықаралық көліктік коммуникациялық ағындарға ықпалдастыруда аса ауқымды тапсырмалар алдымызда тұр. Біз компанияның барлық стратегиялық бағыттарын дамытып, жұмыстарын жетілдіруіміз керек.

Сонымен қатар жүйелі түрде қалмай келе жатқан кемшіліктерді жоспарлы түрде жойып, жоспарлы тасымалдау көлемін орындау мен сапалық көрсеткіштерді көтеруіміз керек. Ол үшін технологиялық тәртіпті нығайтып, қозғалыс қауіпсіздігі мен еңбекті қорғау талаптарын күшейтуіміз керек»,-деп атап өтті А. Мамин

 

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды