Президент Біріккен Ұлттар Ұйымының Женевадағы бөлімшесінде болды
28 Шілде, 2015 08:47
Мемлекет басшысы Біріккен Ұлттар Ұйымының Женевадағы бөлімшесінде болды, деп хабарлайды Ақорданың баспасөз қызметі.
Елбасы БҰҰ-ның Женевадағы бөлімшесінің жұмысымен танысты. Бұл бөлімше маңызы жағынан БҰҰ жүйесіндегі екінші кеңсе болып саналады және 20 халықаралық ұйымның жұмысын үйлестіреді.
Нұрсұлтан Назарбаев сондай-ақ Ұлттар Сарайын және ондағы «Қазақстан» залын аралап көрді. Қазақстан Президентінің шешіміне сәйкес 2013 жылы ашылған бұл көпфункционалды зал бүгінде БҰҰ-ның Женевадағы штаб-пәтеріндегі техникалық жағынан барынша жабдықталған орынжай болып саналады.
