• Басты
  • А. Рау: Резервті бір жерге жұмылдырып, барлық күшті болашағы зор жобаларға жұмсауымыз керек
27 Шілде, 2015 11:37

А. Рау: Резервті бір жерге жұмылдырып, барлық күшті болашағы зор жобаларға жұмсауымыз керек

Қазақстан Республикасының Инвестиция және даму вице-министрі Альберт Рау Қостанай облысына сапары барысында Еуразиялық Топ (ERG) құрамына кіретін Соколов-Сарыбай кен-байыту өндірістік бірлестігіне келді, деп хабарлады облыс әкімдігінің баспасөз қызметі.
А. Рау: Резервті бір жерге жұмылдырып, барлық күшті болашағы зор жобаларға жұмсауымыз керек

Кездесуде Альберт Рау Ел Президентінің тікелей басшылығымен қолға алынған бағдарламалардың маңыздылығына тоқталды. Мемлекет басшысы қабылдаған барлық құжаттар Қазақстанның экономикалық және саяси ұстанымын нығайтып, қазақстандықтардың тұрмысын жақсартуға бағытталған.

«Биыл Қазақстан ҮИИД бағдарламасының екінші бесжылдығына қадам басты. Қазір бірінші бесжылдықтың жоспары түгелімен орындалғанын нық сеніммен айта аламыз. Оның ішінде ССКӨБ ұжымының атқарған ісі ауқымды. Кәсіпорын бірнеше инновациялық жобаларды жүзеге асыру арқылы Қостанай өңірінің экономикасына оң серпін берді», - деп атап өтті Альберт Рау.

«Жаңа экономикалық жағдайда Ел Президенті тау-кен-металлургия кешеніне өнім шығарудың ең жоғары сатысына көтеруді міндеттейді. Осыған орай ыстық брикеттелген темір шығаратын зауыттың құрылысы күн тәртібіндегі өзекті мәселеге айналды. Жасыратыны жоқ, кәсіпорындағы жағдай мәз емес. Бүгінгі таңда Министрлік Еуразиялық Топ пен ССКӨБ басшылығымен бірлесіп дағдарысқа қарсы жоспар әзірлеген. Сондықтан қолға алынған шаралар кешені ең алдымен кәсіпорындағы жағдайды тұрақтандырып, оның одан әрі дамуына негізделген. Біз резервті бір жерге жұмылдырып, барлық қаражат пен күшті болашағы зор жобаларға жұмсауымыз керек, - деп жалғастырды вице-министр.

«Кәсіпорын ұжымы елдегі реформалардың барлығына белсене қатысады. Бүгін біз кәсіпорында үлкен жаңғырту жұмыстарын жүргізіп жатырмыз. Атап айтсақ, тау-кен ісіне байланысты жаңаша әзірлемелер дайындап, байыту кешенін қайта құрып, еңбекті қорғау мен барлық бағыттар бойынша өнімнің өзінің құнын төмендету бойынша жаңа жүйе енгізіп отырмыз. Кәсіпорын ұжымы жаңа жобаларды жүзеге асыруға әрдайым дайын, - деп сендірді «ССКӨБ» президенті Береке Мұхаметқалиев.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды