Қазақстандық Әскери-әуе күштерінің ұшу экипаждары «Авиадартс-2015» өткізу орнына ұшты (Фото)

Олар Рязань қаласының әскери әуеайлағына келеді. Мұнда барлық қатысушылар жиналып, жеребе тасталады. Негізгі жарыстар екі қалада Сызрань – тікұшақтар, Липецк – ұшақтар өтетін болады. Ресейге аттанар алдында ұшқыштар Ақтөбедегі Кеңес Одағының екі мәрте батыры Т. Бигелдинов атындағы Әуе қорғанысы күштері Әскери институтының курсанттарымен кездесті.

 Авиадартсқа қатысушылар қатарында аталған әскери жоғары оқу орнының төрт түлегі бар. Сондықтан ұшқыш болуды және осындай халықаралық сайыстарға қатысуды армандайтын қазіргі курсанттар үшін бұл кездесудің маңызы орасан зор. «Авиадартс-2015» байқауында қазақстандық Әскери-әуе күштерін Қазақстан ӘӘК үздік ұшқыштары көрсететін болады.  

МиГ-29-да  капитан Нұрбек Әбдішүкір және аға лейтенант Владимир Бурковский, резервте  капитан Айдар Гаухаров. Су-25 экипажы капитан Азат Абдуллин және Дмитрий Коробкинмен, сондай-ақ резервті ұшқыш Манас Дәулетбаевпен ұсынылды. Су-27 экипажы құрамында капитан Әділбек Ысқақов пен аға лейтенант Елдос Құрманғазин, резервте ұшқыш Руслан Мақадиев. Ми-8-де екі негізгі ұшқыш өнер көрсетеді. Олар Алексей Кейль және Ақжан Айтбаев. Ал резерв ретінде Азамат Темірқалиев пен Владимир Заволокин. Біздің ұшу құрамы додаға қарқынды дайындалды. Олар үшін бұл бастапқы тәжірибе.