Мемлекетік кірістер комитеті «постфактум» бойынша декларацияланатын тауарлар тізімін кеңейтуді ұсынды

23 Шілде, 2015 17:42

ҚР Президенті Нұрсұлтан Назарбаевтың 2014 жылдың 11-қарашасындағы Қазақстан халқына жолдаған «Нұрлы жол- болашаққа бастар жол» атты Жолдауынан туындайтын және 5 институционалды реформаны жүзеге асыруға бағытталған «100 нақты қадам» Ұлт жоспарын жүзеге асыру барысында Қаржы министрлігінің Мемлекетттік кірістер департаменті сыртқы экономикалық қызметтерге қатысушылардың тауарлары мен олардың жекелеген түрлерінің тізімін кеңейтуді ұсынды. Бұл туралы Астанада өткен баспасөз мәслихаты барысында Қаржы Министрлігінің Мемлекеттік кірістер департаментінің кедендік процедуралар мен әдістемелер басқармасының жетекшісі Қуат Рахымов мәлім етті.

«Мемлекеттік кірістер комитеті кедендік декларациялау бойынша, «постфактум» енгізуді ұсынып отыр. Басқаша айтқанда, заңды тұлға тауарларын тасымалдау барысында еркін қозғалысқа мүмкіндік алады, тек сонан кейін ғана барып, кедендік тазалау бойынша декларация бере алады»,-деді Қ.Рахымов.

Оның сөзінше, мұндай деңгейдегі тауарлар бойынша еліміздің заңнамасының тізімі өте тар.

«Әңгіме табиғи апаттардың салдарымен күрес, әскери тауарлар, гуманитарлық бағыттағы тауарлар, тез бұзылатын тауарлар мен малдарға қатысты заңнамаларға қатысты болып отыр»,-деді құзырлы экономикалық операторлар.

Әдістеме мен кедендік процедуралар басқармасының жетекшісінің айтуынша, Мемлекеттік кірістер департаменті бұл бағытта аталған тізімді кеңейтпекші.

Анар Тәңірқұлова