• Басты
  • Астана «Қазақстанның үздік тауары» атты байқау-көрмеге қатысуға ниет білдірушілер жағынан алдыңғы орында

Астана «Қазақстанның үздік тауары» атты байқау-көрмеге қатысуға ниет білдірушілер жағынан алдыңғы орында

23 Шілде, 2015 19:23
Астананың Кәсіпкерлер палатасы «Қазақстанның үздік тауары» атты көрме-байқау аясында отандық өнім өндірушілердің «Астанада жасалған» атты кең ауқымды форумын ұйымдастыру мен ҚР Президентінің «Алтын сапа» сыйлығын жария етуге бастамашы болып отыр, деп хабарлайды палатаның баспасөз қызметі.

Естеріңізге сала  кетейік, Мемлекет басшысының 2015 жылдың 1-қаңтардағы Жарлығымен Президенттік «Алтын сапа» сыйлығы мен «Қазақстанның үздік тауары»  атты көрме-байқауының ұйымдастырушысы «Атамекен» ұлттық экономикалық палатасы болып табылады. Байқаудың басты мақсаты елдің нарығын жоғары, сапалы бәсекеге қабілетті өнімдермен толтыру болып табылады. Байқауға қатысушылардың өтініш берулері жөнінен Астана еліміздің өзге өңірлеріне қарағанда бірінші орында тұр. Өтініштердің жалпы саны 78. Олардың 23-і ҚР Президентінің «Алтын сапа» сыйлығын алғылары келетіндіктерін және 55-і «Қазақстанның үздік тауары» көрме-байқауына қатысқылары келетіндіктерін білдірген.  

«Қазақстанның үздік тауары» көрме-байқауы «Астанада жасалған» форумы аясында өтеді. Онда отандық тауар өндірушілердің кең ауқымды тауарлары ұсынылады. Олардың арасында халық тұтынатын тауарлар, азық-түлік өнімдері мен өндірістік мақсаттағы тауарлар бар.  

Көрме-байқауға өзінің өнімдерін 55 отандық тауар өндіруші қойғалы отыр. Олардың арасында 19 кәсіпорын «Өндірістік мақсаттағы тауарлар» аталымынан үмітті. 20 кәсіпорын өкілдері «Трғындар үшін ең үздік тауар» аталымын жеңгілері келеді. «Үздік сатуға арналған тауарлар» аталымына 16 компания қатыспақ.  

Қазіргі таңда сарапшылар тобы «Қазақстанның үздік тауары» мен «Алтын сапа» байқаларына қатысқылары келетін кәсіпорындарды аралауға кірісті.

 

 

 

 

 

 

Барлық жаңалықтар