• Главная
  • Қазақстан ӘТК жауынгерлік корабльдері теңіз биатлонына қатысуға жолға шықты (Фото)
23 июля, 2015 18:27

Қазақстан ӘТК жауынгерлік корабльдері теңіз биатлонына қатысуға жолға шықты (Фото)

Бүгін «Орал» және «Сарыарқа» екі зымыран-артиллериялық кораблі теңізге шығады. Олар «Каспий теңізі – 2015» бірінші халықаралық байқауға қатысу үшін тікелей Каспийдің ресей су айдындарына жүзетін болады, деп хабарлады Қорғаныс министрлігі.
Қазақстан ӘТК  жауынгерлік корабльдері теңіз биатлонына қатысуға жолға шықты (Фото)

Жауынгерлік корабльдердің экипаждары кешке жолға шығады, 160 теңіз милясын еңсеріп, ертең Махачкала қаласының портында Каспийдің ресей жағалауларында болады.

«Қазір соңғы дайындықтарды аяқтаудамыз. Ауа райы жағдайы мен экипаждың жалпы дайындығы алдағы жүзуге оң дем беруде. Шынымды айтсам, біз байқаудан дәмеліміз. Оған ұзақ дайындалдық. Біз үшін ол тың дүние, іс жүзінде мүмкіндіктерімізді сынап, қосымша практикалық тәжірибе жинақтаймыз» - деді «Сарыарқа» кораблінің командирі капитан-лейтенант Рустам Жүнісов.

«Каспий теңізі – 2015» халықаралық байқауы каспий маңы елдері Әскери-теңіз күштерінің алғашқы сайысы. Ол 1 тамызда бастау алып, 15 тамызда аяқталады. Теңіз биатлонында елімізді «Орал» және «Сарырқа» отандық зымыран-артиллериялық корабльдерінің экипаждары, сондай-ақ теңіз жаяу әскерінің бригадасы ұсынатын болады. Теңіз биатлоны үш кезеңнен тұрады.

Біріншісі - «Каспийлік құнан жарысы». Мұнда теңіз жаяу әскері бөлімшелерінің әскери қызметшілеріне берілген бағдарды барынша жылдам өту, теңізде және жағалауда нысаналарды сәтті жою қажет. «Каспий кубогы» атты екінші кезеңге төрт елдің суүсті корабльдерінің экипаждары қатысады. Олар берілген бағдар бойынша шеңберді айналады, шағын өлшемді теңіз және әуе нысаналарын, жүзбелі миналарды жою бойынша жауынгерлік жаттығуларды орындайды.

Кейіннен корабльді зәкір тұрағына көшіруді, зәкірге қоюды, өрнектеу жалауларын қолдана отырып, белгілерді қабылдау-таратуды жүзеге асырады. Содан кейін экипаждарға корабльдің «апатқа төзу» координаталары беріледі. Қатысушыларға оқиға орнына келу, жолаушыларды құтқару және бортқа көтеруді жүргізу қажет етіледі. Үшінші кезең - «Спорттық». Әскери қызметшілердің дене даярлығын айқындауға бағытталған. Теңіз жаяу әскері бөлімшелері мен суүсті корабльдері экипаждарының жеке құрамына 100 метрге еркін стильде жүзу, гір спортында сайысу, бөлімше құрамында 5 шақырымға жүгіру, арқан тарту секілді нормативтерді тапсыру қажет. Барлық үш кезең нәтижелері бойынша үздіктер медальдармен марапатталады, жеңімпаздар командалық сынақта бірінші орын кубогын алатын болады.