Астана және Алматы қалаларында оқулықтармен қамту 98 пайызды құрайды – ҚР БҒМ
«Жеке өңірлерде қаржыландыру ұзаққа созылғандықтан, жеткізу жұмысында проблема туындауы мүмкін. Сондықтан да ҚР БҒМ жергілікті билік өкілдерін жауапкершілікті арттыруды сұрайды. Біз бұл мәселені үнемі қадағалайтын боламыз. Әрбір он күн сайын біз жергілікті билік өкілдері жіберген есептік ақпараттық материалдарды қарап қоймай, әр облыс бойынша білім және ғылым саласын бақылау департаменттерінің ақпаратын қараймыз», - деді С.Нүсіпов.
Бұл орайда комитет басшысы ел өңірлерін оқулықпен қамту туралы айтып өтті.
«Осы жылдың 20 шілдесінің жағдайы бойынша Астана және Алматы қалаларында оқулықпен қамту 98 пайызды құрады, Павлодар облысында – 96 пайыз, Алматы – 63, Қарағанды – 93, Жамбыл – 41, ОҚО – 34,9 пайыз, Атырау – 35, СҚО – 50, БҚО – 37,5, Ақмола – 32, Қостанай – 12,5, Ақтөбе – 18, ШҚО-12, Маңғыстау – 38, Қызылорда облысы – 18 пайыз», - деді С.Нүсіпов.
Ботагөз Айтжанова
