Қазақстанда үш тауарлы сүт фермасын салу жоспарлануда
23 Шілде, 2015 11:37
Қазіргі таңда серіктестердің қатысуымен қуаты тәулігіне 210 тонна өнім өндіретін тауарлы-сүт фермасын салу жоспарлануда, деді Ауыл шаруашылығы вице-министрі Ермек Көшербаев Орталық коммуникациялар қызметінде өткен баспасөз мәслихатында.
«Қазіргі таңда бізде серіктестердің қатысуымен қуаты тәулігіне 210 тонна болатын тауарлы-сүт фермасын салу мәселесі қаралуда»,-деді Е.Көшербаев.
Оның сөзінше, әңгіме Ақтөбе облысындағы қуаты тәулігіне 60 тонна сүт өндіруге бағытталған «Milker» ЖШС, Алматы облысындағы қуаты тәулігіне 100 тонна сүтке жететін, Ақмола облысындағы қуаты тәулігіне 50 тонна сүт болатын жауапкершілігі шектеулі серіктестіктері туралы болып отыр.
«Аталған жобалар қаржыландыру үшін бизнес-жоспар ретінда қарастырылуда»,-деді Ауыл шаруашылығы министрлігінің Мал өнімдерін өндіру мен қайта өндіру департаментінің директоры Еркебұлан Ахметов.
Ботагөз Айтжанова
